සාර්ථක අලෙවිකරුවෙකු වීමට කරුණු 21ක්…

සාර්ථක අලෙවිකරුවෙකු වීමට පදනම ලෙස ඔබ දත යුතු කරුණු දත යුතු කරුණු කිහිපයකි මේ.

බාහිර පෙනුමෙන්

පිරිසිදුව චාම්ව පිළිවෙලකට ලස්සනට ඇඳුම් පැළඳුම් ඇඳීමට පුරුදු වීම.
දත කට මැද නියපොතු කපා රැවුල පිළිවෙලකට කපා සකස් කර හිස මනා ලෙස පීරා සිටීම
නිතරම අවංක වූ මෘදු ලස්සන සිනහවකින් සංග්‍රහ කිරීමේ හැකියාවක් ගොඩනඟා සිටීම
තම අලෙවි ක්ෂේත්‍ර රාජකාරියට අදාළ භාණ්ඩ මෙවලම් පිරිසිදුව පිළිවෙළකට තබාගැනීම
තම නිල රථය යතුරු පැදිය සහ කාර්යාලයීය බෑගය, ජංගම දුරකථනය, කැල්කියුලේටරය, ෆයිල් කවර, ලිපි ද්‍රව්‍ය හා පෑන් පැන්සල් ආදිය තබා ගන්නා ආකාරය වැදගත් ය.
තැනට සුදුසු වන ලෙසින් කථා විලාසය අංග චලනය හා හැසිරීමට පුරුදු වීම.
ප්‍රසන්න කාරුණික මුහුණින් යුතු ව සිටීම. සෘජු සිරුරකින් යුත් ක්‍රියාශීලී ක්‍රියාශීලී පෞරුෂත්වය තිබීම හා නිරෝගී වීම.

ගති ගුණ වලින්

බොරු නො කීම හා සෑම විටම අවංක වීම
සේවය කරන තම ආයතනයට හා ඉහළ නිලතල වලට පක්ෂපාතී භාවය හා ගරුත්වය ආයතනයේ වෙළඳ රහස් පිට නොකිරීම ද ඉතා වැදගත් ය.
වෙනත් රැකියාවක් නොකිරීම හා කේෂ්ත්‍ර නිදහසින් අයුතු ප්‍රයෝජන නොගැනීම.
ඉවසීමේ ශක්තිය ඇති සංවේදී අයකු වීම හා හොඳ සවන් දෙන්නෙකු වීම.
මහන්සි නොබලා වැඩි පැය ගණනක සේවය කිරීමට ඇති ආශාව හා හැකියාව ගොඩ නඟා ගත යුතුය.
බාධක ප්‍රශ්නවලින් මග නොහැර මුහුණ දීමේ කායික මානසික ශක්තියක් තිබීම අවශ්‍ය ය.
මනා විනයක් හා විශ්වාසවන්ත භාවය සමග තම ආත්ම ගරුත්වය ආරක්ෂා කර ගැනීම

දැනුමෙන්

තම ආයතනයේ නිෂ්පාදන හෝ සේවා ක්‍රියාවලිය අලෙවිකරණය ප්‍රචාරණ කටයුතු හා මූල්‍ය කටයුතු පිළිබඳව පිළිබඳව සතුටු දායක මට්ටමකින් නිතරම දැනුවත් වී සිටීම.
තම අලෙවි රැකියා ක්ෂේත්‍රයට අදාල පුවත්පත් සඟරා පොත්පත් කියවා දැනුම වර්ධනය කර ගැනීම.
අලෙවිකරණය සම්බන්ධ වූ වැඩමුළු සම්මන්ත්‍රණ හා පුහුණු පාඨමාලාවන්ට සහභාගි වීම හා හැදෑරීම.
තම ආයතනයේ මාසික රැස්වීම් සාකච්ඡා හා අලෙවි කණ්ඩායම් සමඟ එක්ව දැනුම බෙදා හදා ගැනීම.
නිතර වෙනස්වන පාරිභෝගික ග්‍රාහක අවශ්‍යතා මනා ලෙස හඳුනා ගෙන අවධානයෙන් සිට ප්‍රතිචාර දැක්වීමේ හැකියාවක් තිබීම.
අනෙක් සමාගම් සහ ආයතන වල අලෙවි ප්‍රවර්ධන ක්‍රම නව ක්‍රියාමාර්ග පිළිබඳව අවබෝධ කර ගැනීමට සහ තරගකාරිත්වයට මුහුණ දීමේ දී අවශ්‍ය වන දැනුම සොයා හඹා යාම.
සමාජශීලීත්වය වර්ධනය කර ගැනීම.
ක්‍රීඩා කරුණු, දේශපාලනික, ආර්ථික තොරතුරු, යුද පුවත් (විද්‍යාව සම්බන්ධව), නව සොයාගැනීම් හා දිනපතා සිදුවීම් පිළිබඳව දැනුවත් බව වර්ධනය කර සාමාන්‍ය දැනුම වර්ධනය කර ගැනීම.

සකස් කළේ: සුමේධ පිලපිටිය අලෙවි විධායක ජානක බෝගොල්ලාගම සහ සමාගම වේයන්ගොඩ. අත්වැල ව්‍යාපාරික සඟරාවේ 1999 මැයි කලාපයෙන්.